ಕುಂದಾಪುರ: ಉಡುಪಿ ಜಿಲ್ಲೆಯ ಕುಂದಾಪುರದ ಮೂಡ್ಲಕಟ್ಟೆಯ IMJ ಶಿಕ್ಷಣ ಸಂಸ್ಥೆಗಳ ವತಿಯಿಂದ ಪದವಿಪೂರ್ವ ಕಾಲೇಜು ವಿದ್ಯಾರ್ಥಿಗಳಿಗಾಗಿ ರಾಜ್ಯಮಟ್ಟದ ಅಂತರ ಕಾಲೇಜು ಸ್ಪರ್ಧಾಕೂಟ ‘ನವೋನ್ಮೇಶ್’ ಅಕ್ಟೋಬರ್ 30ರಂದು ಶುಕ್ರವಾರ IMJ ಕ್ಯಾಂಪಸ್, ಮೂಡ್ಲಕಟ್ಟೆ, ಕುಂದಾಪುರದಲ್ಲಿ ನಡೆಯಲಿದೆ.
ವಿದ್ಯಾರ್ಥಿಗಳಲ್ಲಿರುವ ಪ್ರತಿಭೆಯನ್ನು ಗುರುತಿಸಿ, ಅವರಿಗೆ ಸೂಕ್ತ ವೇದಿಕೆ ಕಲ್ಪಿಸುವ ಉದ್ದೇಶದಿಂದ ಈ ಸ್ಪರ್ಧಾಕೂಟವನ್ನು ಆಯೋಜಿಸಲಾಗಿದೆ. ವಿಜ್ಞಾನ, ವಾಣಿಜ್ಯ, ಸಾಂಸ್ಕೃತಿಕ ಹಾಗೂ ಕ್ರೀಡಾ ವಿಭಾಗಗಳನ್ನು ಒಳಗೊಂಡಂತೆ ಒಟ್ಟು ಐದು ವಿಭಾಗಗಳಲ್ಲಿ 25 ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಈ ಪೈಕಿ 22 ಸ್ಪರ್ಧೆಗಳಲ್ಲಿ ಪ್ರತಿ ಕಾಲೇಜಿನಿಂದ ಎರಡು ತಂಡಗಳಿಗೆ ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿದೆ.
ಆಕರ್ಷಕ ನಗದು ಬಹುಮಾನಗಳು
ಸ್ಪರ್ಧಾಕೂಟದಲ್ಲಿ ಸಮಗ್ರ ವಿಜೇತ ತಂಡಕ್ಕೆ ₹33,333, ಪ್ರಥಮ ರನ್ನರ್‌ ಅಪ್ ತಂಡಕ್ಕೆ ₹22,222 ಹಾಗೂ ದ್ವಿತೀಯ ರನ್ನರ್‌ ಅಪ್ ತಂಡಕ್ಕೆ ₹11,111 ನಗದು ಬಹುಮಾನ ನೀಡಲಾಗುತ್ತದೆ.
ಇದಲ್ಲದೆ, ಟ್ಯಾಲೆಂಟ್ ಟೈಟಾನ್ಸ್ ವಿಭಾಗದಲ್ಲಿ ಪ್ರಥಮ ಬಹುಮಾನ ₹10,000, ದ್ವಿತೀಯ ಬಹುಮಾನ ₹8,000 ಹಾಗೂ ತೃತೀಯ ಬಹುಮಾನ ₹5,000 ನಿಗದಿಪಡಿಸಲಾಗಿದೆ.
ಕಬಡ್ಡಿ ಮತ್ತು ವಾಲಿಬಾಲ್ ಸ್ಪರ್ಧೆಗಳಲ್ಲಿ ಪ್ರಥಮ ಬಹುಮಾನವಾಗಿ ತಲಾ ₹12,000, ದ್ವಿತೀಯ ಬಹುಮಾನವಾಗಿ ₹10,000 ಹಾಗೂ ತೃತೀಯ ಬಹುಮಾನವಾಗಿ ತಲಾ ₹8,000ರ ಎರಡು ಬಹುಮಾನಗಳನ್ನು ನೀಡಲಾಗುತ್ತದೆ.
ವಿದ್ಯಾರ್ಥಿಗಳು ತಮ್ಮ ಪ್ರತಿಭೆ, ಕೌಶಲ ಮತ್ತು ಸೃಜನಶೀಲತೆಯನ್ನು ಪ್ರದರ್ಶಿಸಲು ಈ ಸ್ಪರ್ಧಾಕೂಟ ಉತ್ತಮ ವೇದಿಕೆಯಾಗಲಿದೆ.
ದಿನಾಂಕ: ಅಕ್ಟೋಬರ್ 30, 2026, ಶುಕ್ರವಾರ
ಸ್ಥಳ: IMJ ಕ್ಯಾಂಪಸ್, ಮೂಡ್ಲಕಟ್ಟೆ, ಕುಂದಾಪುರ, ಉಡುಪಿ ಜಿಲ್ಲೆ.